Shtrix-kod skaneri bilan sotish: telefon kamerasi kassa o‘rnida

Skaner qanday ishlaydi

Sklad bo‘limidagi Sotuv sahifasida kamera belgisini bossangiz, «Skanerlab sotish» ekrani ochiladi. Kamerani mahsulot shtrix-kodiga tutasiz — ilova kodni o‘qib, mahsulotni savatga qo‘shadi va telefon qisqa tebranadi. Ekran yopilmaydi: keyingi mahsulotni darhol tutasiz. Bir xil mahsulotni ikki marta skanerlasangiz, miqdori ikkiga chiqadi.

Shtrix-kod bazada topilmasa, ilova «Bunday mahsulot topilmadi» deb ogohlantiradi. Bunday holda mahsulot kartasiga shtrix-kodni bir marta yozib qo‘yasiz, keyingi safar u tanib olinadi. Pastdagi «Yakunlash» tugmasida savatdagi mahsulotlar soni ko‘rinib turadi.

Savatdan chekgacha

Skanerdan chiqqach, savatda har bir mahsulotning miqdori va narxi turadi. Miqdorni «+» va «−» tugmalari bilan yoki miqdor oynasida qo‘lda o‘zgartirasiz, kerak bo‘lsa shu sotuv uchun narxni tahrirlaysiz. Sotuv sahifasida qoldig‘i tugagan mahsulotlar «Tugagan» deb belgilanadi va odatda faqat mavjudlar ko‘rsatiladi; «Hammasini ko‘rsatish» bilan qolganlarini ham ochasiz. Savatni bir tugma bilan tozalash mumkin. Qidiruvga yozgan zahotingiz ro‘yxat toraya boshlaydi, mahsulot nomiga bossangiz esa uning kartasi faqat o‘qish rejimida ochiladi — narx va qoldiqni tekshirib, savatga qaytasiz. «Sotish» tugmasini bossangiz, mijozni tanlash oynasi chiqadi: mavjud mijozni topasiz yoki ism va telefon bilan yangisini qo‘shasiz.

So‘ng to‘lov turini belgilaysiz: naqd, karta, terminal, bank hisobi yoki nasiya. To‘langan summani yozsangiz, qolgani mijoz qarziga o‘tadi; ortiqcha to‘lasa, mijoz balansiga tushadi. To‘langan qism kassaga kirim bo‘lib yoziladi. Saqlagandan keyin nakladnoy ko‘rinishidagi chek ochiladi: raqam, sana, mijoz, mahsulotlar, jami, to‘langan summa, avvalgi va yangi balans.

• Chekni termoprinterda chop etish yoki PDF sifatida ulashish
• Chekni rasm sifatida saqlash
• Chekdan mijoz sahifasiga yoki sotuv kalkulyatoriga o‘tish

Qoldiq va nazorat

Sotuv saqlangan zahoti har bir mahsulotning qoldig‘i sotilgan miqdorga kamayadi va bu harakat mahsulotning «Ombor boshqaruvi» tarixida qoladi. Qoldiq minusga tushsa, Sotuv sahifasida kelgan mahsulotlarni kirim qilish haqida eslatma chiqadi.

Sotuvchi xodimlar uchun ruxsatlar alohida: skladdan sotish va skaner bilan sotish ikki xil ruxsat. Xodimga faqat skanerni ochishga ruxsat berib, narxni o‘zgartirishni o‘zingizda qoldirishingiz mumkin. Xodim sotganida chekning «Sotuvchi» qatorida uning ismi chiqadi, mijoz kartasida esa sotuv oddiy qarz yozuvi kabi turadi. Tarifga qarab oyiga sotuvlar soni cheklangan bo‘lishi mumkin — limit tugasa, ilova ogohlantiradi va savat saqlanib qoladi.

Faqat mobil ilovada

Skaner telefon kamerasi bilan ishlagani uchun bu imkoniyat faqat mobil ilovada. Sotuvning natijasi — mijoz qarzi, chek va qoldiq — kompyuterdagi web versiyaga ham tushadi, chunki baza bitta. Sotuvlarni chekni chop etmasdan ham yakunlash mumkin.

Ko‘p so‘raladigan savollar