Nasiya shartnomasi: bo‘lib to‘lashni telefonda rasmiylashtirish

Shartnomada nimalar yoziladi

Nasiya shartnomasi mijoz kartasidagi «Bo‘lib to‘lash» bo‘limida tuziladi. Sahifada mijozning ismi, nima sotganingiz, oylik to‘lov, oylar soni va boshlang‘ich to‘lov so‘raladi. Boshlang‘ich to‘lov ixtiyoriy — mijoz hech narsa bermagan bo‘lsa, maydonni bo‘sh qoldirasiz.

Umumiy summa alohida yozilmaydi: ilova uni oylik to‘lov × oylar soni + boshlang‘ich to‘lov formulasi bilan o‘zi chiqaradi va formaning tagida ko‘rsatib turadi. Shuning uchun mijoz bilan «oyiga qancha» deb kelishgan bo‘lsangiz, aynan shu raqamni yozasiz — hisob-kitob ustida bosh qotirmaysiz.

• Mijoz ismi va sotilgan mahsulot nomi
• Oylik to‘lov va oylar soni — umumiy summa shundan hisoblanadi
• Boshlang‘ich to‘lov — ixtiyoriy, jadvalda to‘langan qator bo‘lib turadi
• Valyuta — so‘m yoki do‘konda sozlangan boshqa valyuta

To‘lov jadvali qanday tuziladi

Siz oyning to‘lov kunini tanlaysiz, masalan, har oyning 10-sanasi. Birinchi to‘lov keyingi oyning shu kuniga tushadi, qolganlari har oy shu sanada takrorlanadi. Jadvaldagi har bir qator o‘z sanasi, summasi va holati bilan saqlanadi.

Summalar teng bo‘laklarga bo‘linadi. So‘mda qatorlar butun son bo‘lib chiqadi, boshqa valyutalarda ko‘pi bilan ikki kasr xona. Bo‘linmay qolgan tiyinlar oxirgi to‘lovga qo‘shiladi, shuning uchun jadvalning yig‘indisi umumiy summaga aniq teng bo‘ladi.

Hujjat va SMS sozlamalari

Shartnomaga mijoz bilan tuzgan qog‘oz kelishuvingizning rasmini yoki PDF faylini biriktirasiz — bitta fayl, 10 MB gacha. Keyin bahs chiqsa, hujjat shartnoma sahifasida turadi va bir bosishda ochiladi.

Shu yerda, «SMS bildirishnomalar» qismida, eslatma sozlanadi: «Necha kun oldin?» va «Necha kun keyin?» maydonlariga kun sonini yozasiz. Maydonlar bo‘sh qolsa, standart qiymat ishlatiladi — 2 kun oldin va 1 kun keyin. Shartnoma saqlangan zahoti mijozga tuzilgan shartnoma haqida SMS yuboriladi, keyingi eslatmalar esa har bir to‘lov sanasiga qarab rejalashtiriladi.

Ilova shartnomaning huquqiy tomonini o‘z zimmasiga olmaydi: bu siz bilan mijoz o‘rtasidagi o‘zaro kelishuv, pDaftar unga kafil bo‘lmaydi. Shuning uchun hujjatni biriktirib qo‘yish foydali.

Narx va limit

Nasiya shartnomasini tuzish pullik xizmat. Tarifingizda bo‘lib to‘lash limiti bo‘lsa, shartnoma shu limitdan hisoblanadi. Limit tugagach yoki tarifda limit bo‘lmasa, har bir yangi shartnoma uchun summa hamyondan yechiladi.

Hamyonda mablag‘ yetarli bo‘lmasa, ilova yaratishdan oldin xizmat narxini ko‘rsatadi va hisobni to‘ldirishni taklif qiladi — kutilmagan yechim bo‘lmaydi. Limitlar va narxlar tariflar sahifasida keltirilgan.

Web versiyada nima ko‘rinadi

Shartnoma mobil ilovada tuziladi. Web versiyada mijoz kartasida shu shartnomalar ro‘yxati, jami, to‘langan va qolgan summa ko‘rinadi, to‘lov qabul qilish ham mumkin. Ma’lumot bitta bazada, shuning uchun telefonda tuzilgan shartnoma kompyuterda darhol paydo bo‘ladi.

Ko‘p so‘raladigan savollar